Old newspaper clipping of Ann Catrin Evans with her gold medal

MEHEFIN: Braint yw bod yn rhan o Aur/Gold yr Haf hwn

Rwy'n falch iawn o rannu y bydd fy ngwaith yn cael ei arddangos yn Aur/Gold, arddangosfa nodedig yn Oriel Canfas, Aberteifi, sy'n agor ar 31 Gorffennaf.

Mae Aur/Gold yn dod â chyn-enillwyr medalau aur Y Lle Celf ynghyd, gan ddathlu rhai o artistiaid a gwneuthurwyr mwyaf blaenllaw Cymru heddiw. Wedi'i chreu gan Ŵyl Grefft Cymru mewn partneriaeth â'r Eisteddfod Genedlaethol ac Oriel Canfas, mae'r arddangosfa'n nodi dychweliad yr Eisteddfod i Orllewin Cymru ac yn rhan o ddathliadau 850 mlynedd ers yr Eisteddfod gyntaf ar gofnod yng Nghastell Aberteifi.

Fel enillydd Medal Aur y Gampwaith Crefft yn Eisteddfod Genedlaethol De Powys, Llanelwedd, 1993, mae'n fraint cael arddangos ochr yn ochr â chasgliad mor ysbrydoledig o artistiaid a gwneuthurwyr. Edrychaf ymlaen at rannu fy ngwaith gemwaith a dathlu creadigrwydd, crefftwaith a threftadaeth ddiwylliannol Cymru yn yr arddangosfa arbennig hon.

Hen lun papur newydd o Ann Catrin yn gafael yn y fedal aur  Hen lun papur newydd o Ann Catrin yn derbyn y fedal aur  Hen bapur newydd gyda hanes Ann Catrin yn ennill y fedal aur

10 mlynedd wedyn roeddwn mor falch o gael fy urddo i'r orsedd.

Ann Catrin yn yr orsedd

Gŵyl Grefft Cymru’n cyflwyno Aur/Gold
📍 Oriel Canfas, Aberteifi
📅 31 Gorffennaf – 13 Medi 2026

Back to blog